Қарағанды Назарбаев Зияткерлік мектебін биыл 125 түлек тәмамдады. Олардың әр екіншісі шетелдегі беделді жоғары оқу орындары мен Назарбаев университетіне тегін оқуға шақыру алды. Кейбіреулер бірден бірнеше оқу орындарына грант ұтқан

"Шетелдік жоғары оқу орындарына гранттарды 18 түлек жеңіп алды. Тағы 43-і Назарбаев Университетіне оқуға түсті", - деп хабарлады Қарағанды NIS өз түлектерінің жетістіктері туралы.

18 жастағы Қаныш Берлібеков бірден үш жоғары оқу орнына шақырту алды: Назарбаев Университеті, Қытайдағы Шанхай Нью-Йорк университеті және Оңтүстік Кореядағы Ульсан Ұлттық Ғылым және техника институты. Сәл ойланып, ол Кореяға оқуға аттануға бел буды. Шетелде жоғары білім алған соң, Қаныш туған елге оралып, Отанымыздың дамуына үлес қоспақшы.

- Ульсан университетінде мен бизнес мектебін таңдадым. Қаржы, инженерия және жаңа технологияларды зерттей отырып, қос диплом бағдарламасын меңгеруді жоспарлап отырмын. Бұл университетті көптеген Дүниежүзілік ұйымдар мойындайды және зерттеуге үлкен мүмкіндіктер береді. Маған Корея мәдениеті де қызықты, - деді Қаныш Берлібеков. - Болашақ түлектерге оқуға түсуге дайындықты ертерек бастауға кеңес беремін. Білімді болу ғана емес, сонымен қатар мектептің, қаланың қоғамдық өміріне белсенді қатысу, еріктілік тәжірибесі, түрлі байқауларда жеңіске жеткен үшін марапатталу да маңызды.

Назерке Төлегенова IELTS және SAT бойынша тамаша үлгерімі мен жоғары ұпайларының арқасында АҚШ-тағы Berea колледжіне оқуға түсті. Ол американдық университеттің Babson College кәсіпкерлік жазғы мектебін де бітірген. Түлектің айтуынша, ол оқудың негізгі бағытын таңдаған техникалық менеджментте шоғырланған инженерлік технологиялар, сонымен қатар бизнес, қаржы және информатика пәндерін оқығысы келеді. Бұл білім мен дағдыларды кеңейтуге мүмкіндік береді, демек болашақта жоғары кәсіби маман болуға және туған еліне пайда әкелуге септігін тигізеді.

Ақпарат көзі: ГУ «Аппарат акима Карагандинской области»