Қарағандылықтар енді бір жерде кең спектрлі талдаулар тапсыра алады: Қарағанды облыстық клиникалық ауруханасында жаңа орталықтандырылған микробиологиялық зертхана жұмыс істей бастады. Заманауи жабдықтар мамандарға жылына 150 мыңға дейін түрлі зерттеулер жүргізуге мүмкіндік береді.

Бұрын қала бойынша бірнеше зертханалар орналастырылған болатын. Қазір олар біріктіріліп, жоғары деңгейлі жабдықтар мен керек-жарақтармен жабдықталған.

Мұнда неврологиялық, ревматологиялық, урологиялық және басқа да көптеген жұқпалы патологиялары бар науқастар жүгіне алады. Зертханада аутоиммунды аурулардың маркерлеріне қан анализі жүргізіледі.

Ерте диагноз пациенттердің өмір сүру сапасын жақсартады.

– Зертханада микроскопиялық, бактериологиялық, серологиялық, паразитологиялық және молекулалық-биологиялық әдісті пайдалана отырып, инфекциялық және паразиттік аурулардың қоздырғыштарын анықтау және оқшаулау бойынша зерттеулер жүргізіледі. Біз инфекциялық орталық базасында ашылғандықтан, бірінші кезекте жіті-ішек инфекциясы, ЖРВИ бар пациенттердің талдауларын жасаймыз. Көкжөтел, менингит, адено-және ротавирустар, А және В тұмауы және т. б. уақтылы ПТР - диагностикасы жүргізілуде, – дейді орталықтандырылған медициналық зертхананың меңгерушісі Гүлнара Бейсембаева.

Көпфункционалды зертхана заманауи анализаторлармен – ИФА, ИХЛ, ПТР, қан құрылымының автоматты жүйелерімен, антибиотиктерге сезімталдық анализаторларымен жабдықталған.

Талдауларды декодтау уақыты айтарлықтай қысқарды. Бұл емдеудің тиімділігін арттырады. Мысалы, қан, ликвор, синовиальды және басқа сұйықтықтарды тексеру үшін бір-үш күн қажет болады. Бұрын дәл сол талдау қолмен өңделген еді. Мамандарға 10 күнге дейін уақыт қажет болатын.

Зертханада тәжірибесі мол жоғары білікті мамандар жұмыс істейді.

Қызметтер тегін – МӘМС жүйесі бойынша да, ақылы да қолжетімді.

Зертхана Охотская көшесі, 2 мекенжайында орналасқан.

Ақпарат көзі: ГУ «Аппарат акима Карагандинской области»