"Мемсараптама" РМК Қарағанды және Ұлытау облысы бойынша филиалының директоры лауазымына Жеңіс Әлімжан тағайындалды.

Жеңіс Әлімжан 1978 жылы туған, "құрылыс бұйымдары мен конструкцияларын өндіру" және "тау-кен өнеркәсібі экономикасы" мамандықтары бойынша екі жоғары білімі бар.

Мемлекеттік қызметте 2004 жылдан бастап еңбет етіп келеді, Жезқазған қаласының сәулет, қала құрылысы және құрылыс бөлімінің бас маманынан бастап, осы бөлімнің бастығы болған.

Әр жылдары "Қарағандымемсараптама" ЕМК "Құрылыс істері және ТКШ комитеті жобаларының мемлекеттік ведомстводан тыс сараптамасы" РМК Жезқазған филиалы директорының орынбасары, Ұлытау облысы құрылыс, сәулет және қала құрылысы басқармасы басшысының орынбасары, кейін басшысы лауазымдарын атқарды.

Осы тағайындауға дейін "Мемсараптама" РМК Қарағанды облысы және Ұлытау облысы бойынша филиалының Ұлытау облысы бойынша департаментінің директоры болды.

Ақпарат көзі: ГУ «Аппарат акима Карагандинской области»