Қарағанды облысының Кәсіпкерлер Палатасы "Экоамбассадор", "Экомеценат" және "Эко кәсіпкер" номинацияларының жеңімпаздарын жариялады. Байқау "Таза Қазақстан" экологиялық акциясын белсенді қолдаған кәсіпкерлер арасында өтті.

Бар-жоғы 30 өтінім келіп түсті. Шешімді арнайы құрылған комиссия қабылдады.

"Экоамбассадор" номинациясы бойынша "Creative & Innovation institute" ҚҚ басшысы Ирина Харитонова және "ПрофКрас" ЖШС директоры Бақтияр Омарханов үздік атанды.

– 2020 жылдан бастап бүгінгі күнге дейін Қарағанды тұрғындарымен бірге #АғашЕкЖақсыДемал халық жобасын жүзеге асырып келемін. Жобаның тұжырымдамасы - гүлденген бақ. Бүгінгі таңда Қазақстан Тәуелсіздігінің 10 жылдығы атындағы этнопаркте 500-ге жуық көшет (алма, мамыргүл, бадам, шетен, тал және т. б.) егілді, – деді Бақтияр Омарханов.   

Инновациялық экологиялық шешімдер мен жауапкершілік үшін "Эко кәсіпкер" номинациясында ВioНumuskKZ ғылыми-білім беру орталығы мен "Maker" ЖШС марапатталды. Соңғы үш жылда Maker кәсіпорнының аумағында 420-дан астам көшет егілді, омарталар бар, су қоймасын балықтандыру жүргізіліп жатыр.

– BioНumus ғылыми-білім беру орталығын Қарағанды қаласы әкімінің 1,5 млн теңгеге берген грантының арқасында ашу мүмкіндігіне ие болдық. Бүгінгі таңда ол экологиялық таза өнім өсіреді және жасыл тыңайтқыштар шығарады. Менің жобамның мақсаты – өскелең ұрпақты ғылыммен айналысуға ынталандыру және қазірдің өзінде барлық салаларда экологиялық игілік туралы ойлану, – деп атап өтті ғылыми орталықтың басшысы Арайлым Серікбай.

Аймақтың экомеценаты деген атаққа Kazakhmys Smelting ие болды. Компания жыл сайын ағаш отырғызады, Балқаш көлін балықтандырумен айналысады және экологиялық акцияларға қатысады.

– Биыл біз қала үшін 3700 көшет сатып алдық. "Таза жағалау" акциясын үнемі қолдаймыз, рұқсат етілмеген қоқыс үйінділерін жою жұмыстарын жүргіземіз, экобокстар орнатамыз, – дейді "Kazakhmys Smelting" ЖШС Балқаш мыс балқыту зауытының директоры Айдар Түсіпбеков.

Жеңімпаздар мүсіншелермен және дипломдармен марапатталды.

Эко байқауды тұрақты негізде өткізу жоспарлануда.

Қарағанды облысы Кәсіпкерлер палатасының баспасөз қызметінің ақпараты бойынша

Ақпарат көзі: ГУ «Аппарат акима Карагандинской области»