Қарағанды облысының көмір сататын 54 пунктінде қатты отын қоры күн сайын толықтырылып отырады. Билік өкілдері жеке үйлердің тұрғындарынан қысқы отынды сатып алуды кейінге қалдырмай, көмірді қазір кезексіз сатып алуды сұрайды.

Облыста көмір халыққа "Шұбаркөл Көмір", "Молодежный", "Кузнецкий" сияқты екі шахта мен 10 разрезден жеткізіледі. Коммуналдық-тұрмыстық қажеттіліктерге және халыққа 6 млн тонна жөнелту жоспарлануда.

– 7 айда шамамен 2 млн тонна жөнелтілді. 54 сату нүктесі бар. Алдағы жылыту маусымына қарай көмір қорын ұлғайту бойынша жұмыс жүргізілуде. Шұбаркөл көмірінің бағасы тоннасына 14 700 теңгеден басталады. Облыс бойынша орташа баға – 19 000 теңге, – деді Өнеркәсіп және индустриялық-инновациялық даму басқармасы басшысының орынбасары Ақдидар Рымбек.

Журналистерге көмір сату пункттері қалай жұмыс істейтіні көрсетілді. Күндіз мұнда көліктер көп емес. Вагондар кесте бойынша келеді және қор құрылады. Қарағандыдағы ХМК-ның артындағы қоймада 25 мың тонна бар. Барлық қажетті тиеу техникасы мен персонал жеткілікті. Төрт жүк тиегіш, екі жүк көлігі жұмыс істейді.

– Бізде бір жұмыс ауысымында 7-ден 35 вагонға дейін түсіру мүмкіндігі бар. Қазір бізге 20 вагон келе жатыр. Сатып алушылардың ағынына дайындалу үшін қорды 40 мың тоннаға дейін жеткізуді жоспарлап отырмыз. Күніне 20-дан 30-ға дейін көлік тиеледі. Нағыз қызған шақ күз айларында болады, ол кезде 200-ге дейін көлік жөнелтіледі. Шұбаркөл көмірін сатамыз. Бағасы – 14700 теңге. Теміржол тасымалының қымбаттауына байланысты құны өсті, – дейді қойма басшысы Владимир Крылов.

"Рапид" фирмасы" ЖШС директоры Андрей Белов тұрғындардың көмір сатып алуға әлі асықпайтынын растайды. Бүгін таңертең небәрі 10 көлік болды.

– Біз тау-кен-геологиялық жағдайларға байланысты айына 10 мың тонна көмір өндіреміз. Сонымен қатар, негізінен сатып алатын “жаңғақ” көмір жалпы німнің тек 10–15 % құрайды. Бағасы – 24 000 теңге. Қарағанды мен Қарағанды облысының тұрғындарына тағы да еске саламын: мамыр келгенде картоп отырғызып болған соң, көмір қоймасын тазартып, бірден көмір алуға келіңіздер. Күннің суытқанын және ұзын-сонар кезектің пайда болғанын күтпеңіздер, – дейді Андрей Белов қарағандылықтарға.

Егер тұрғындарда көмірдің сапасы туралы сұрақтар туындаса, Сауда және тұтынушылардың құқықтарын қорғау департаментіне хабарласу қажет.

Қарағандыдағы жедел желі: (8-7212) 42-15-05.

Ақпарат көзі: ГУ «Аппарат акима Карагандинской области»