Қазақстан командасы спорттық және жауынгерлік самбодан Азия және Океания чемпионатында медальдық есепте көшбасшы атанды. Қарағандылықтар ұлттық құраманың қоржынына үш алтын қосты.

Макаодағы (ҚХР) құрлықтық біріншілікке 20 елдің спортшылары қатысты. Ерлер мен әйелдер арасындағы жарыс 28 салмақ дәрежесінде өтті.

Турнир қорытындысы бойынша алтын медаль Қазақстан командасында – 26 медаль (15-7-4), Өзбекстан құрамасында 19 медаль (8-1-10), сәйкесінше екінші орын, Түрікменстан 21 медальмен (2-6-13) үшінші орынға ие болды.

Чемпионатта Қарағанды облысынан үш спортшы өнер көрсетті. Олардың барлығы жеңімпаз атанды. Спорттық самбода алтын жүлдені Болат Сапар (98 кг-ға дейін), Мадина Ержан (80 кг-ға дейін) және жекпе-жекте Ниетхан Төлеухан жеңіп алды.

– Биыл біз Макао сияқты Шығыс Азия аймағында Азия және Океания чемпионатын өткізу арқылы самбоны дамыту мен танымал етуде бір қадам алға жылжыдық. Турнир жоғары ұйымдастырушылық деңгейде өтті және барлық қатысушылар: спортшылар, жаттықтырушылар, төрешілер және, әрине, көрермендер үшін нағыз спорттық мерекеге айналды, – деп атап өтті Азия және Океания самбо одағының басшысы Аламжон Муллаев.

Қарағанды облысының дене шынықтыру және спорт басқармасы

Ақпарат көзі: ГУ «Аппарат акима Карагандинской области»