Астанада "Қазақстан Республикасының Алтын жұлдызы" республикалық патриоттық байқауының жеңімпаздарына марапаттар табысталды. Шарада еліміздің қоғамы мен экономикасының дамуына қосқан үлесі үшін түрлі салалардың өкілдері марапатталды. Қарағанды медициналық университетінің симуляциялық және білім беру технологиялары орталығының басшысы Гүлшат Кемелова "Қазақстан Республикасының Алтын Жұлдызы" белгісінің иегері атанды. Ол сондай-ақ елдің көрнекті қайраткерлерінің энциклопедиясына кірді.

Байқауды "Жаңа Қазақстан" Республикалық инновациялық орталығы мен "Bilim orkenieti" Ұлттық инновациялық ғылыми-зерттеу орталығы ұйымдастырды. Лауреаттарды марапаттауға Қазақстанның қоғам қайраткерлері мен ғалымдары, олардың ішінде қазақстандық Елтаңбаның авторы, сәулетші Жандарбек Мәлібеков қатысты.

Гүлшат Кемелова - оқытушы-зерттеуші, оқытудың инновациялық әдістерін енгізуде үлкен тәжірибесі бар. Жаңа білім беру бағдарламаларын әзірлеуге қатысты. ҰҒА Қазақстанның жоғары мектебінің Ашық білім берудің ұлттық платформасында "Тиімді оқытушы" онлайн-курсының авторы. "Болашақ" халықаралық бағдарламасының түлегі (2014 ж.).  Шетелде: АҚШ, Сингапур, Испания, Ұлыбритания және басқа елдерде біліктілігін арттырған. Дүниежүзілік Банктің үш жобасында кеңесші болды.

Ақпарат көзі: ГУ «Аппарат акима Карагандинской области»