Биыл үшінші жылу магистралін іске қосу жоспары бар. Ол Оңтүстік-Шығыстағы жаңа ғимараттарды жылумен қамтамасыз етіп, қолда бар желілердегі жүктемені төмендетуі тиіс. Жұмыстар аяқталуға жақын қалды.

Жалпы ұзындығы 22 км құбыр ЖЭО-3-тен Оңтүстік-Шығысқа қарай өтеді.

– 30 жыл ішінде бізде мұндай жоба болған емес. Биыл біз оны аяқтап, пайдалануға беруді жоспарлап отырмыз. Төрт сорғы қондырғысы орнатылды, барлық қажетті жабдықтар орнатылды, қазір іске қосу-жөндеу жұмыстары жүргізілуде. 3 км желіні орнату ғана қалды. Биыл біз Оңтүстік-Шығыс нысандарын жаңа жылу құбырынан қуаттандырып, қаладағы жүктемені төмендеткіміз келеді. Қазір қосымша жылу шығарудың болмауына байланысты көпқабатты үйлердің, әлеуметтік мәдени тұрмыстық нысандардың құрылысын жасанды түрде тежеп отырмыз, - дейді Қарағанды қаласы әкімінің орынбасары Рүстем Қожақапанов.

Қарағанды жылыту маусымына қалай дайындалып жатқанын, онда жылу желілері қалай қайта жаңғыртылып жатқанын журналистерге баспасөз туры кезінде көрсетті.

— Қарағандының басты жылу көздері болып табылатын ЖЭО-1 және ЖЭО-3-те бүгінгі күні барлық ағымдағы жөндеу жұмыстары аяқталды. Үш қазандық пен екі турбинаны күрделі жөндеу жұмыстары жүргізілуде. Сондай-ақ, әлеуметтік мәдени тұрмыстық объектілер мен КТҮ объектілерінің қазандықтарды жөнделіп, көмір сатып алынуда. Биыл жоспар бойынша 31 км жылу желілері ретке келтірілуі тиіс. Желілерді гидравликалық сынау кезінде ақаулар анықталды. Оларды жойғаннан кейін қайта тексеру жүргізіледі. Сондай-ақ, қалада инфрақұрылымдық жобалар іске асырылуда. Мәселен, 31 жыл бойы Пришахтинсінің Шахтер кентінде жылумен жабдықтау болмаған, биыл 33 үйді орталық жылытуға қосуды жоспарлап отырмыз, — деді Рүстем Қожақапанов. — Шамамен 15-20 қыркүйек аралығында жылыту маусымын бастау үшін қала желілерін толтырамыз.

Қазіргі уақытта 29-шы шағын ауданда – "Арай" базарынан және Қарбышев көшесі, 5-ке дейінгі кварталішілік желілер қайта жаңғыртылуда. Жұмыс маусым айында басталды, жылыту маусымы басталғанға дейін жобаны аяқтауды жоспарлап отырмыз. Жылу трассасы 15 жыл бұрын ауыстырылған, апаттық жағдайлар жиі болған. 

Магистральдан жылу 33 көп қабатты тұрғын үйге және әлеуметтік мәдени тұрмыстың 4 нысанына ("Сарыарқа" кинотеатрына, № 66 ОМ, "Жұлдыз" балабақшасына, Қарағанды университетіне және оның жатақханаларына) өтеді. Жылу трассасының жалпы ұзындығы — 1,36 км, бүгінде жұмыстың 75 % орындалды. Жоба жылу трассасын ұлғайтуға, жылу шығынын азайтуға бағытталған.

Келесі жоба – екі жылдық (2023-2024 жж.) — № 10 жылу магистралін қайта жаңарту. Биыл ол аяқталады. Магистраль Оңтүстік-Шығыстың көп бөлігін қамтиды. Ескі желілер 73%-ғаға тозған, апаттар жиі болып тұруына байланысты жылыту маусымының дұрыс өтуіне кедергі тудыру қаупі туындады. Бүгінгі таңда жұмыстар 95 % орындалды. 

Өткізу қабілеті артты — диаметрі 700 мм құбырлардың орнына 920 мм мырышталған құбырлар төселді. Қыркүйек айында гидравликалық сынақтан өтуі тиіс.

Мердігерлер жасаған жұмыстарына кем дегенде 5 жылға кепілдік береді. Осы уақыт ішінде барлық ақауларды олар өз есебінен жоюы керек. 

Жалпы, Қарағандыда жылыту маусымына дайындық кесте бойынша жүріп жатыр және жіті бақылауда.

Ақпарат көзі: ГУ «Аппарат акима Карагандинской области»