«Құрылыс 2023 жылдың наурыз айында басталып, осы айдың 10-ы күніне дейін аяқталуы жоспарланған. Жобаның жалпы құны 858 миллион теңгені құрайды. Мердігерлік компания СП NEFT ЖШС, қазіргі уақытта құрылыс алаңында 30-дан астам жұмысшы еңбек етуде», — деп атап өтті Райымбек ауданының құрылыс бөлімінің басшысы Көлбаев Айдын.

Өнер мектебі Мұқағали Мақатаевтың туған жерінде, өнер майталмандары мен өнерге жақын адамдар көп шоғырланған Қарасаз ауылында салынып жатыр. Бұрынғы өнер мектебінің ғимараты ескіріп, авариялық жағдайға жеткендіктен, жаңа мектеп салу қажеттілігі туындады. Қарасаз ауылында 2000-нан астам тұрғын бар.

«СП NEFT компаниясы құрылыспен 30 жылға жуық уақыт айналысып келеді. Қазір ғимараттың ішкі жұмыстарының 90% аяқталған, тек әрлеу жұмыстары ғана қалды. Мектеп тамыз айының ортасында пайдалануға беріледі деп күтілуде», — деді Қарасаз өнер мектебінің құрылыс жұмыстарындағы тікелей басшысы Әкімқожа Бағлан.

Жаңа өнер мектебі ауыл тұрғындары мен жас өнерпаздарға үлкен мүмкіндіктер бермек.

Ақпарат көзі: ​ГУ «Аппарат акима Алматинской области»