Мемлекет басшысының тапсырмасы аясында «Қарашығанақ» кен орнын кеңейту жобасы аясында 5-ші газ компрессоры іске қосылды.

Жаңа компрессор газды кері айдау көлемін едәуір арттыратын және сұйық көмірсутек өндіру процесін ұзартуға ықпал етеді. Жоба –газ өндірісін одан әрі арттыруға мүмкіндік береді.

5-ші компрессорды іске қосу рәсіміне Батыс Қазақстан облысының әкімі Нариман Төреғалиев, ҚР Энергетика вице-министрі Әлібек Жамауов, «Қазмұнайгаз» АҚ Басқарма төрағасының орынбасары Руслан Балықбаев, «PSA» ЖШС бас директоры Бекет Избастин, сондай-ақ, Қарашығанақ жобасы бойынша серіктес компаниялардың өкілдері қатысты.

Батыс Қазақстан облысының әкімі Нариман Төреғалиев жобаның ел экономикасы үшін маңыздылығына тоқталып өтті.

«Мемлекет басшысы осы аптада өткен Жолдауында мұнай-газ  саласын одан әрі дамыту маңызды міндет екенін атқан болатын. Қарашығанақтағы 5-ші газ компрессорының іске қосылуы – газ өндірісін ұлғайтуға мүмкіндік береді. Ендігі кезекте 6-шы компрессорды 2026 жылы іске қосуды жоспарлап отырмыз. ҚПО компаниясы ел экономикасының дамуына үлес қосып қана қоймай, Батыс қазақстандықтардың өмір сүру сапасын жақсартуға бағытталған әлеуметтік бағдарламаларды жүзеге асыруға да белсенді қатысуда» - деді облыс әкімі Нариман Төреғалиев.

КПО Бас директоры Марко Марсили өз сөзінде Қарашығанақ кен орнын кеңейту жобасы сәтті іске асып келе жатқанын атап өтті.

 «Іске асырылған жоба –ҚПО ұжымының қарқынды жұмысының нәтижесі. Бұл жұмыстардың бәрі Қазақстан Республикасының Үкіметімен және біздің акционерлік компаниялармен тығыз ынтымақтастықтың арқасында мүмкін болды. Баршаңыздың қолдауларыңыз арқылы біз ПРК-1A жобасын қауіпсіз және тиімді жүзеге асыра алдық», - деді КПО Бас директоры Марко Марсили.

Сапар барысында қонақтар ҚПО-дағы нысандардың жұмысымен және енгізілген технологиялық инновациялармен танысты.

БҚО әкімдігінің баспасөз қызметі

Ақпарат көзі: ГУ «Аппарат акима Западно-Казахстанской области»