«Ашық диалог» жобасының аясында кезекті кездесу өтті

Көкшетау қаласы әкімдігінің бастамасымен «Халық үніне құлақ асатын мемлекет» тұжырымдамасы мен «Ашық диалог» жобасы аясында қала әкімі Әнуар Күмпекеевтің қатысуымен Бармашино, Құлагер және Чайкино шағын аудандары бойынша кездесу өтті.

Кездесуде ТКШ бөлімінің басшысы А. Рақымжанов көшені жарықтандыруды жаңғырту бағдарламасы аясында 540 шам орнатылғанын атап өтті. Үздіксіз электрмен жабдықтау мақсатында қуаты 10 кВ 10 тірек және трансформаторлық қосалқы станция орнатылған. Сондай-ақ ұзындығы 10 км 5*50 ССП кабелін тарту бойынша жұмыстар жүргізілуде.

Кездесуге қатысушылар жергілікті тұрғындардың өміріне қатысты өзекті мәселелерді талқылады. Қала әкімі азаматтардың пікірлерін мұқият тыңдап, көтерілген мәселелерді зерделеу қажеттігін атап өтті.

«Облыс әкімі маған жылумен, сумен және электрмен жабдықтау бойынша проблемалық мәселелерді зерделеуді тапсырды. Бұл ретте біздің жоспарымыз бар және оларды келесі жылы іске асыра бастаймыз», - деді қала әкімі.

Бұл кездесу әкімдік пен халық арасындағы өзекті міндеттерді бірлесіп шешуге және адамдардың игілігіне бағытталған бастамаларды іске асыруға ықпал ететін диалогтың маңыздылығын атап көрсетеді.

Ақпарат көзі: ГУ «Аппарат акима города Кокшетау»