Елордадағы №58 мектеп-гимназиясының оқушылары ұстаз туралы әдемі әнді орындап, мұғалімдеріне арнап әсерлі бейнебаян түсірді, деп хабарлайды Астана әкімдігінің ресми сайты.

Мектеп өмірі жайлы, ұстаздардың ерен еңтегі туралы бейнебаян бастауыш сынып оқушыларының ән орындауымен басталады. Сыныптағы сабақ барысы көрсетіледі.

Әннің екінші қайырмасы әрі қарай жоғары сынып оқушыларының орындауымен жалғасады.

Бейнебаянда мәртебелі маман иелерінің оқушыларға деген сүйіспеншілігі, тынымсыз еңбегі, оқушылардың ұстазға деген құрметі көрініс тапқан.

Айта кетейiк, бүгінгі таңда елорданың білім беру ұйымдарында 26 944 педагог жұмыс істейді. Мұғалімдер күні қарсаңында ведомстволық наградаларға саланың 3500 үздік маманы ие болды.

Ақпарат көзі: ГУ «Аппарат акима города Астана»