Астаналықтар үшін жаңа курс: Автосервис саласында қалай сарапшы болуға болады
Астаналықтар үшін жаңа курс: Автосервис саласында қалай сарапшы болуға болады
JOLTAP жобасы аясында елордада «Май ауыстыру пункті және шиномонтаж» жаңа тегін курсы басталды, деп хабарлайды Астана әкімдігінің ресми сайты.
Курс оқытушысы Ербол Ділдабаевтың автомобиль сервисі саласында 15 жылдық тәжірибесі бар. Қазіргі уақытта ол JOLTAP жобасымен серіктестікте елорда тұрғындары үшін арнайы курс әзірлеген «OilBT» сервистер желісінің атқарушы директоры қызметін атқарады.
«Бағдарлама уақытпен тексерілген және жұмыс берушілердің барлық талаптарына сәйкес келеді. Курстың мерзімі – 15 күн, оның ішінде 2 күн теорияға, 12 күн практикаға және 1 күн аттестаттауға арналған. Оқу бағдарламасына қауіпсіздік техникасы, еңбек негіздері, май мен жабдықтың түрлері, мотор майының түрлері, сұйықтықтар мен сүзгілердің түрлері, іштен жану қозғалтқышы мен беріліс қорабының жұмыс істеу принциптері, шиномонтаж негіздері және тағы басқалар сияқты негізгі модульдер кіреді», – деді Ербол Ділдабаев бағдарламаның Instagram-дағы ресми парақшасына берген сұхбатында.
Сарапшы атап өткендей, курстың айрықша ерекшелігі – бұл тікелей автосервисте өтетін практикалық сабақтар.
«Теориялық бөлімді біз JOLTAP мамандандырылған сыныптарында оқытамыз, олар презентация материалына және курстан өтуге қажетті барлық заттармен жабдықталған. Біздің тәжірибеміз барлық қауіпсіздік шараларына сәйкес автосервистердің 10 нүктесінің негізінде өтеді. Сондай-ақ студенттердің жабдықтары жеке қорғаныс құралдарынан тұрады», - деп атап өтті Ербол Ділдабаев.
Мұғалімнің айтуынша, майды ауыстыру және шиналарды монтаждау мамандығы өзекті әрі жоғары ақы төленеді.
«Оқу қорытындысы бойынша түлектердің курсты аяқтағаны туралы сертификат алуға және алған білімінің көмегімен машиналарға қызмет көрсету бойынша өз сервисін ашуға мүмкіндігі бар. Майды ауыстыру және шиналарды монтаждау – бұл сұранысқа ие бағыттар. Нарықтағы жалақы 400-500 мың теңгені құрайды», - деп қорытындылады сарапшы.
Оқыту елорда тұрғындары үшін офлайн форматта өтеді. Қысқа мерзімді курстарға «Баршаға мүмкіндік» модульдік пункттерінде жазылуға болады.
Естеріңізге сала кетейік, JOLTAP әлеуметтік жобасы Мемлекет басшысының тапсырмаларын орындау аясында жүзеге асырылуда. Жоба халықтың табысын арттыруға және жұмыспен қамтуды қамтамасыз етуге бағытталған.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
