Бүгін - «Ұлттық алдын алу тетігі (ҰАТ) қатысушыларының жабық мекемелерге мониторингі және есеп беру бойынша ұсыныстар» атты онлайн-семинардың екінші күні.

Семинар Біріккен Ұлттар Ұйымының Қазақстандағы Даму Бағдарламасы (БҰҰДБ) мен Қазақстан Республикасындағы Адам құқықтары жөніндегі уәкіл кеңсесінің адам құқықтары саласындағы ұлттық тетіктің тиімділігін арттыру жөніндегі бірлескен жобасы аясында ұйымдастырылды.

Қатысушылар түзеу мекемелеріне профилактикалық бару, қылмыстық-атқару жүйесі мекемелеріндегі құқық бұзу фактілерін құжаттау және қамауда ұстау жағдайларын жақсарту әрі сотталғандардың құқықтарын қамтамасыз ету бойынша ұсыныстары бар хаттамалар жасау ерекшеліктерін зерделеп, мониторинг кезіндегі ҰАТ қатысушылары қауіпсіздігінің психологиялық аспектілерін қарастырды.

Адам құқықтары жөніндегі уәкіл мен БҰҰДБ арасындағы серіктестік адам құқықтарын қорғау саласындағы бірлескен күш-жігермен ұштасады және азаматтық қоғам өкілдері қатысушы болатын Азаптауға қарсы ұлттық алдын алу тетігімен қоса, адам құқықтары саласындағы ұлттық тетіктерді институционалдық тұрғыдан нығайтуға ықпал етеді.

Ақпарат көзі: Қазақстан Республикасындағы Адам құқықтары жөніндегі уәкіл