Бүгін СҚО әкімі Ғауез Нұрмұхамбетов Қызылжар ауданындағы су тасқынынан зардап шеккен ауылдарға барды. Өңір басшысы Боголюбово, Прибрежное, Надежка, Тепличное және Соколовка ауылдарының тұрғындарымен кездесті. Ауылдықтарға үйді жөндеу және сатып алу бойынша ережелерді түсіндірді. 

Қызылжар ауданында 1,5 мың үйді су басты, бүгінге дейін 500-ге жуық үй тексерілді. Тұрғын үйлердің пайдалануға жарамдылығын анықтау үшін техникалық зерттеу жүргізілуде. Үйлерді қалпына келтіру және жөндеу жұмыстарымен Қызылжар және Аққайың аудандарының механикаландырылған жасақтары айналысуда. 

Баспана иелері үйлерін өздері де жөндей алады. Ол үшін мемлекет үй иесінің шотына ақша аударады, сомасы бағалау комиссиясының шешіміне байланысты болады. 

"Аудан басшылығына үйлерді бағалау және техникалық зерттеуді жеделдетуді тапсырдым"-, деп жазды өңір басшысы.

Ақпарат көзі: КГУ «Аппарат акима Северо-Казахстанской области»