Ауыл шаруашылығы министрлігі шегіртке зиянкестеріне қарсы химиялық өңдеуде қандай препараттар қолданылатынын айтты.

Бұған дейін биыл 1 270,6 мың гектар алқапты өңдеуге республикалық бюджеттен 4,2 миллиард теңге бөлінген болатын.

Алайда шегірткенің таралуының 11 жылдық циклінің шарықтау шегі 2023-2024 жылдары болғанына байланысты және 2024 жылға қарай шегірткелердің таралуының жаңартылған болжамы өсіп, 2,5 миллион гектарды құрады. Өткен жылғы көрсеткіштен бұл шамамен 1 миллион гектарға артық. Сондықтан Үкімет резервінен қосымша 3,9 млрд теңге бөлінді.

Бұл қаражаттар шегірткелердің жаппай дамуы мен таралуына, жайылымдарға зақым келтіруіне, егіннің жойылуына, сондай-ақ олардың көршілес елдердің іргелес аумақтарына көшіп кетуіне жол бермеу үшін бүкіл болжамды аумақта толық ауқымды химиялық өңдеу жұмыстарын жүргізуге бағытталған.

"Отандық және шетелдік өндірушілердің фитосанитариялық мақсаттағы пестицидтерінің қажетті көлемі сатып алынды. Олардың ішінде шегірткелерге қарсы күресте өз тиімділігін көрсеткен препараттар: «Карат супер», «Тиаметрин», «Фипрон», «Эсперо», «Койра» және т.б. Сондай-ақ, жер үсті және авиациялық тәсілдермен әртүрлі техникамен химиялық өңдеу бойынша қызметтер сатып алынды. Жалпы, 427 арнайы техника тартылды", - деп хабарлады АШМ.

Қажетті көлемде дәрі-дәрмек сатып алып, өңірлерге жеткізіп, жұмысты бастау бойынша дер кезінде қабылданған шаралар нәтижесінде жоспарланған 2,5 миллион гектар тазарту алаңының 1,1 миллион гектардан астамы залалсыздандырылды.

Ведомствоның мәліметінше, мұндай шегірткенің көп таралуы бұрынғы жылдары да болған. Мәселен, 2014 жылы 4,7 миллион гектар, 2000 жылы 8,1 миллион гектар өңделген.

Ақпарат көзі: Министерство сельского хозяйства Республики Казахстан