Суық ауа райының басталуымен пешті ауыл тұрғындары ғана емес, қалалардағы жеке сектордың тұрғындары да жағады. Пештердің ақаулығы қайғылы салдарға әкелуі мүмкін.

          Тұрғын үй секторындағы өрт қауіпсіздігі айлығы шеңберінде, оның негізгі мақсаты-өрт, халықтың қаза болуы және жарақат алу фактілерінің алдын алу, аз қамтылған отбасылардың жеке үйлерінде, зейнеткерлерде мүдделі органдармен бірлесіп 253 улы газ датчигі орнатылды, сондай-ақ демеушілік қаражат есебінен тағы 335 датчик сатып алу мәселесі пысықталуда.

Облыс мектептерінде өртке қарсы тақырыпта ашық сабақтар ұйымдастырылды. Балаларға қауіпсіздік ережелері түсіндірілді, жеке қорғаныс құралдарын пайдалану ережелері туралы еске салынды. Сабақ барысында балалар өрт туындаған жағдайда қалай әрекет ету керектігі туралы білді және практикалық сабақтарда білімдерін бекітті.

Бақылаудағы объектілерде азаматтық қорғау органдарының қызметкерлері 282 дәріс өткізді, онда 3000-нан астам адам өрт қауіпсіздігі шараларына оқытылды.

Бұдан басқа, халықты ақпараттандыру мақсатында адамдар көп жиналатын объектілерде (сауда үйлері, вокзалдар) LED-экрандарда «улы газ», «алғашқы өрт сөндіру құралдары, оларды қолдану тәсілдері», «тұрмыстағы өрттер» тақырыптарында бейнероликтер көрсетілді.

Өрт кезінде өзін ұстау дағдыларын бекіту мақсатында айлық шеңберінде ғимараттардан қауіпсіз эвакуациялау бойынша 98 практикалық жаттығу өткізілді.

Павлодар облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан