Қазақстан әскерінің тыл бөлімшелері 1992 жылы құрылды. Оған Қарулы күштердің әскери бөлімдері мен мекемелерін тамақ өнімдерімен, заттай мүлікпен, жанар-жағармаймен және технологиялық жабдықтармен жарақтандыру міндеттері жүктелген.

30 жылдан астам уақыт тыл мамандарының күшімен әскерлердің күнделікті, оқу, жауынгерлік өмірін ұйымдастыру және оларды жауынгерлік қабілетті күйде ұстау үшін қажетті қамтамасыз ету жүйесі құрылды деп сеніммен айтуға болады.

Саланы жетілдіру жұмыстары жалғасу үстінде. Бұл Қарулы күштер түрлерінің бас қолбасшыларына, өңірлік қолбасшылық әскерлерінің қолбасшыларына әскери бөлімдер арасында материалдық құралдарды бөлу құқығын беру арқылы әскерлерді материалдық құралдармен қамтамасыз ету тәртібін оңтайландырудан тұрады. Бұл тәсіл әскерлердің ерекшеліктерін ескере отырып, автономды, жедел әрекет етуге мүмкіндік береді.

Шет елдердің озық тәжірибесін ескере отырып, киім-кешекпен қамтамасыз ету шеңберінде киімнің, аяқ киімнің және киім-кешектің әскери нысанына қойылатын жаңа талаптар әзірленді.

Қазіргі уақытта ел Президентінің тапсырмасы бойынша Қарулы күштердің Тылы Қарулы күштердің, басқа да әскерлер мен әскери құралымдардың барлық әскери қызметшілері үшін далалық киім нысанын біркелкілікке келтіру бойынша жұмыс жүргізуде.

Басым мәселелердің қатарына мерзімді қызмет сарбаздарының тамақтануын ұйымдастыру және азық-түлік рационының нормаларын сақтау кіреді. Әскери қызметшілердің азық-түлік рационы Қазақ тамақтану академиясының ғылыми ұсыныстарына негізделген және 80-нен астам өнім мен сусындарды қамтиды.

Әскерлерді материалдық қамтамасыз ету мәселелерін кешенді шешу тыл әскери ұжымдарының үйлесімді, айқын және бірқалыпты жұмысының арқасында жүзеге асырылып келеді. Әскери қызметшілер жыл сайын оқу-жаттығу жиындары барысында әскер бөлімшелерін үздіксіз жабдықтауды және материалдық қажеттіліктерді қанағаттандыруды ұйымдастырудың жаңа тәсілдері мен дағдыларын шыңдауда. Олар өздерінің жоғары кәсібилігін "Эшелон", "Бірлестік-2024" сияқты халықаралық және республикалық оқу-жаттығулар барысында бірнеше рет дәлелдеді.  

Қазіргі тыл мамандары алдыңғы буынның даңқты дәстүрлерін абыроймен жалғастыруда және Қарулы күштер бөлімшелерін уақтылы әрі толық қамтамасыз ету тапсырмаларын абыроймен орындап келеді.

Ақпарат көзі: Министерство обороны Республики Казахстан