Қазақстан Республикасы Қаржы министрлігінің өкілдері Орынханов Қ.Қ - Персоналды басқару және стратегия департаментінің директоры, Әділханов Д.Б. Қаржы министрлігінің әдеп жөніндегі уәкілі, Тоқбергенова Д.Е. - Персоналды басқару және стратегия департаменті директорының орынбасары Қарағанды ​​облысы бойынша ҚР ҚМ МКК  Мемлекеттік кірістер департаментінің ұжымымен кездесу өткізді.

Кездесу барысында департамент қызметкерлеріне мемлекеттік қызмет саласында енгізілген өзгерістер мәселелері айтылып, басшылармен  қызметкерлердің  қарым-қатынасындағы мінез-құлық және ұжымда қолайлы моральдық-психологиялық ахуал қалыптастыру шараларына қатысты ұсыныстар берілді.

Сыбайлас жемқорлық құқық бұзушылықтардың алдын алу шараларын жүргізуге, кадрларды тағайындау кезінде меритократия қағидаттарын сақтау қажеттілігіне, сондай-ақ әрбір қызметкер мен мемлекеттік орган қызметінің тиімділігін арттыруға бағытталған жұмыста басқарудың жаңа нысандарын пайдалануға ерекше назар аударылды.

Кездесу соңында бөлім қызметкерлерінің жеке қабылдау  мен анонимді сауалнамалары жүргізілді.

Ақпарат көзі: Министерство финансов Республики Казахстан