Құрметті отандастар!

Баршаңызды қастерлі мерекеміз Конституция күнімен құттықтаймыз!29 жыл бұрын мемлекетіміздің кемел келешегі, даму бағдарлары мен қағидаттарын бекіткен іргелі құжаттың негізі қаланды.

Осы жылдар ішінде еліміз аумалы-төкпелі кезеңнен өтті. Ел ішінде, халықаралық аренада орын алған жаһандық өзгерістерге қарамастан Тәуелсіз Қазақстан даму жолынан жаңылмады. Түрлі түйткілдер мен шырмауы қиын шиеленістерді шешуде Ата-заңымыз мызғымас тірекке айналды.

Бүгінгі жаңа сын-қатерлер кезеңінде де Конституцияда белгіленген адами капиталды дамыту, азаматтардың өмір сүру сапасын арттыру, ұлттық қауіпсіздікті қамтамасыз етуқағидаттарына сүйенеміз.

Шын мәнінде, Конституция әділетті қоғам мен мықты мемлекеттің мызғымас іргетасына айналды. Ондағы халықтық билік, теңдік, Заң Үстемдігі туралы негізгі ережелері ел дамуының ұзақмерзімді бағытын анықтайтын бойтұмарымыз іспетті.

Құрметті достар, осы мереке күні Сіздерге зор денсаулық, еңбекте толайым табыстар тілейміз. Ойға алған жоба-жоспарларыңыз жүзеге асып, қазақ даласында бейбітшілік бесігі тербеле берсін!

Ақпарат көзі: Министерство сельского хозяйства Республики Казахстан