Қазақстан Республикасының Ғылым және жоғары білім министрлігі 2024 жылдың 9 айындағы жоғары білім беруді цифрландыру қорытындыларын талқылады

  2024 жылғы 11 қазанда ҚР Ғылым және жоғары білім министрлігі Цифрландыру және мемлекеттік қызметтер департаменті онлайн-форматта вице-министр Д.Р. Щеглованың төрағалығымен цифрлық офицерлермен және жоғары оқу орындарын цифрландыру жөніндегі проректорлармен кездесу өткізді. Кездесуде 2024 жылдың 9 айында жоғары білім беруді цифрландыру саласында атқарылған жұмыстар туралы есеп ұсынылды.

  «Жоғары білім берудің бірыңғай платформасы» ақпараттық жүйесін (ЖББП) дамыту шеңберінде «Аккредитация», диплом нөмірлерін генерациялау сервисі, «ЖЖОКБҰ паспорты» және статистика модулі сияқты жаңа модульдер енгізілді. Тәуекелдерді басқару жүйесін, стипендияларды қаржыландыру модульдерін және білім беру бағдарламаларының тізілімін қоса алғанда, бұрын қолданыста болған компоненттер де жетілдірілді.

  Процестердің тиімділігін арттыру үшін негізгі мемлекеттік жүйелермен және сервистермен 14 интеграция іске асырылды, олардың ішінде ЖТ МДҚ, Еңбек және халықты әлеуметтік қорғау министрлігінің АЖ, Қорғаныс министрлігінің АЖ, Мемлекеттік кредиттік база, ХҚКО АЖ, Career.Enbek, «Бүркіт» ААЖ, Smart Data Ukimet және egov.kz электрондық үкімет порталы.

  Қазір mGov, Kaspi және басқалары сияқты танымал платформаларда қол жетімді дипломдар мен студенттік билеттердің сандық нұсқаларын енгізу маңызды қадам болды. Бұл шешім құжаттарға қол жеткізуді және оларды пайдалануды айтарлықтай жеңілдетеді.

  Сонымен қатар, төрт негізгі мемлекеттік қызмет автоматтандырылды: жоғары және жоғары оқу орнынан кейінгі білім беру бағдарламаларына құжаттар қабылдау және оқуға қабылдау, студенттерге жатақхананы проактивті түрде ұсыну, сондай-ақ жекелеген санаттағы азаматтарды және қорғаншылық пен қамқоршылықтағы тұлғаларды тегін тамақтандыруды қамтамасыз ету.

  Бұл жетістіктер білім беру процестерінің ашықтығы мен ыңғайлылығын арттыруға, сондай-ақ студенттер мен оқытушылар үшін цифрлық қызметтердің сапасын жақсартуға бағытталған.

Ақпарат көзі: Қазақстан Республикасы Ғылым және жоғары білім министрлігі