ҚР Еңбек және халықты әлеуметтік қорғау министрлігі құны миллион айлық есептік көрсеткіштен асатын жобалары бар арнайы экономикалық аймақтардың қатысушылары болып табылатын заңды тұлғаларда, сондай-ақ көрсетілген арнайы экономикалық аймақтардың қатысушылары немесе арнайы экономикалық аймақтардың аумағында құрылыс-монтаждау жұмыстарын орындау кезеңінде қызметтерді орындаушы ретінде және объект (объектілер) пайдалануға берілгеннен кейін бір жыл өткенге дейін тартатын ұйымдарда жұмыс істейтін шетелдіктер мен азаматтығы жоқ адамдар санатының тізбесін және санын айқындау қағидаларын бекіту туралы бұйрықтың жобасын әзірледі.

Жоғарыда көрсетілген тізбені ҚР Өнеркәсіп және құрылыс министрлігі жанындағы тиісті комиссия бекітеді.

Құжат құны 1 млн АЕК-тен асатын жобаларды іске асыратын арнайы эконикалық аймақтарға қатысушыларды тарту үшін шетелдіктердің санын айқындау жөніндегі өтінішті қараудың бизнес-процесін автоматтандыруды көздейді.

Бұдан басқа, Қазақстан азаматтарын жұмысқа орналастыруды қамтамасыз ету мақсатында бұйрық жобасында жұмыс берушілердің кадрлардағы жергілікті қамту үлесін сақтауы бойынша жағдайлар көзделген.

Бұйрық жобасымен толығырақ «Ашық НҚА» порталында https://legalacts.egov.kz/npa/view?id=15101936 сілтемесі бойынша танысуға болады.

Ақпарат көзі: Министерство труда и социальной защиты населения Республики Казахстан