Ауыл шаруашылығы санағы ауыл шаруашылығының жай-күйі туралы, соның ішінде шаруашылықтар саны, мал басы, ғимараттардың болуы, ауыл шаруашылығы техникасы, қолданылатын технологиялар мен ресурстар туралы нақты ақпарат жинау мақсатында жүргізіледі. Бұл ауыл шаруашылығының қазіргі жағдайын талдауға, тенденциялар мен проблемаларды анықтауға, сондай-ақ ауыл шаруашылығын қолдаудың стратегиялық жоспарларын және бағдарламаларын әзірлеуге мүмкіндік береді. Мысалы, санақ деректері негізінде субсидияларды тағайындау, несие беру және мемлекеттік қолдаудың басқа нысандарын қарастыруға болады.

Ауыл шаруашылығы санағының негізгі кезеңі 2025 жылдың 1 тамызынан 20 қазанына дейін, пилоттық кезеңі 2024 жылдың 20 тамызынан 30 қыркүйегіне дейін жүргізіледі.

Оған мал шаруашылығы, өсімдік шаруашылығы және балық шаруашылығы саласында ауыл шаруашылығымен айналысатын заңды тұлғалар және (немесе) олардың құрылымдық және бөлімшелері, жеке кәсіпкерлер, соның ішінде шаруа қожалықтары немесе фермерлік шаруашылықтар, жеке қосалқы шаруашылық жүргізу үшін жер учаскелері (даша, бақ, көкөніс бақшасы) бар немесе ауыл шаруашылығы жануарлары бар үй шаруашылықтары қатысады.

Санақ жер және егістік жерлер, ауыл шаруашылығы жануарлары мен құстардың басы, ауыл шаруашылығы техникасы мен жабдықтары, сондай-ақ ауыл шаруашылығы инфрақұрылымына қатысты басқа да аспектілер туралы деректерді жаңартуға мүмкіндік береді.

Респонденттер санақ субъектілерінің сипаттамасы, инженерлік-техникалық коммуникациялардың болуы, автономды энергия көздері, ауыл шаруашылығы инфрақұрылымы объектілері, еңбек ресурстарының сипаттамасы, өндірістік ғимараттар мен құрылыстардың болуы және құрылымы, органикалық өнім өндірісі және т.б. сұрақтарға жауап беруі керек.

Заңды тұлғалар және (немесе) олардың құрылымдық және бөлімшелері, жеке кәсіпкерлер, соның ішінде шаруа қожалықтары немесе фермерлік шаруашылықтар, сондай-ақ үй шаруашылықтары sanaq.gov.kz сайтындағы сұрақнама парағын толтырып, ауыл шаруашылығы санағынан өз бетінше өтуі мүмкін.

Ұлттық статистика бюросы алынған деректердің анонимділігін және олардың тек статистикалық мақсаттарда қолданылатынын кепілдейді. Цифрлар жиынтық түрде өңделіп, респонденттің жеке басын ашпай жарияланады.

Респонденттер 1446 нөміріндегі Бюроның байланыс орталығынан толық ақпарат алуы мүмкін, қоңыраулар жұмыс күндері сағат 9.00-ден 18.30-ға дейін қабылданады.

Сондай-ақ, ауыл шаруашылығы санағы туралы нұсқауларды @statgovkz_bot телеграм-ботынан FAQ бөлімін таңдап табуға болады.

Ақпарат көзі: Министерство сельского хозяйства Республики Казахстан