Аталмыш мереке мемлекетіміздің тұрақты дамуына адал ісімен үлес қосып жатқан нағыз еңбекқор жандарды ұлықтайды. Еңбекқорлық, жауапкершілік пен  білімпаздық "Адал азамат – Адал еңбек – Адал табыс" қағидатына сай келеді.

Мемлекет басшысы  2025 жылды  Жұмысшы мамандықтары жылы деп бекітті. Бұл елімізде еңбекқорлық пен кәсібилік идеяларын таратуға септігін тигізеді. Өз ісінің мамандары қашанда қоғамда ерекше бағалануы тиіс. Ал, жастарымыз олардан үлгі алғаны абзал.

"Адал еңбек – бүкіл жетістіктің бастауы, табысқа жетудің кілті. Баршаңызға береке мен табыс, жаңа жетістіктер тілеймін. Еңбек күнімен!", - деп жазды СҚО әкімі Ғауез Нұрмұхамбетов әлеуметтік желіде. 

Ақпарат көзі: КГУ «Аппарат акима Северо-Казахстанской области»