Мүгедектігі бар адамдар күні қарсаңында Қазақстанда "Шекарасыз мәдениет" акциясы өтеді. Бұл туралы ҚР Мәдениет және ақпарат министрлігі хабарлады.

2024 жылғы 13 қазаннан 31 желтоқсанға дейін I, II және III топтағы ерекше қажеттіліктері бар қазақстандықтар мемлекеттік мәдени-ойын-сауық мекемелері өткізетін іс-шараларға тегін қатыса алады.

Акцияның мақсаты – мүмкіндігі шектеулі жандар үшін мәдениет нысандарының қолжетімділігін арттыру, олардың елдің мәдени өміріне интеграциялануын қамтамасыз ету және олардың проблемаларына қоғамның назарын аудару.

"Бейінді мемлекеттік мекемелердің мәдени-ойын-сауық іс-шараларына ерекше қажеттіліктері бар балалар мен бірінші және екінші топтағы мүгедектігі бар ересектер тұрақты негізде тегін қатыса алатынын атап өткен жөн. Үшінші топ үшін 50 пайыздық жеңілдік қарастырылған", – делінген хабарламада.

ҚР Мәдениет және ақпарат министрлігінің баспасөз қызметі

Ақпарат көзі: ГУ «Аппарат акима Карагандинской области»