Қазақстанда тері мен жүнді қайта өңдеу бойынша инвестициялық жобаларға жұмсалған шығындардың 25%-н өтеу көзделген
Қазақстанда тері мен жүнді қайта өңдеу бойынша инвестициялық жобаларға жұмсалған шығындардың 25%-н өтеу көзделген
2023 жылдан бастап инвестициялық субсидиялау қағидаларында жүн мен теріні өндіру және қайта өңдеу жөніндегі жобаларды іске асыру құнының 25%-н өтеу көзделген. Бұл шара саланың дамуына ықпал ететін болады.
Үкімет сағаты барысында мал шаруашылығы өнімдерін терең өңдеу мен экспорттауды дамыту мәселелері бойынша ҚР Ауыл шаруашылығы министрі Айдарбек Сапаров қазіргі уақытта шикізат сапасының төмендігіне байланысты елде жүн мен терінің жеткіліксіз мөлшері өңделіп жатқанын атап өтті. Бұл мәселенің шешімі желатин мен жылу оқшаулағыш материалдарды өндіру болуы мүмкін.
"Қазіргі уақытта теріні қайта өңдеу бойынша екі инвестициялық жоба іске асырылуда "СК Протеин" ЖШС және "Бату Агро" ЖШС Солтүстік Қазақстан және Алматы облыстарында жалпы қуаты 6,8 мың тонна жемшөп қоспаларын өндіруді іске қосуды жоспарлап отыр. Сонымен қатар, Алматыда қуаттылығы жылына 7 мың тонна желатин өндіретін "Iskefe Holding" ЖШС компаниясының жобасы әзірленуде", - деді Айдарбек Сапаров.
Жүнді қайта өңдеу мәселесінің шешімі жүннің сапасын ескермейтін өндірістерді құру болып табылады.
Мұндай кәсіпорынның мысалы ретінде Ақтөбе облысында салынып жатқан "KAZFELTEC" ЖШС зауыты болып табылады, онда өрескел жүннен жылу оқшаулағыш материалдар өндірілетін болады. Кәсіпорын жылына 2,1 мың тонна жүн өңдеуді жоспарлап отыр.
Осы инвестициялық жобаларды іске асыру жүн мен теріні қайта өңдеу саласын дамытуға ықпал етіп қана қоймай, жаңа жұмыс орындарын құруға, өңірлердің экономикалық өсуін ынталандыруға мүмкіндік береді.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
