Бұл күндері Түркі мемлекеттері ұйымының денсаулық сақтау министрлерінің төртінші кездесуі өтуде, онда ТМҰ елдерінің арасындағы одан әрі ынтымақтастықтың басым мәселелері талқыланды.

Вице-министр Ербол Оспанов бастаған қазақстандық делегация медицина кадрларын, медицинадағы озық тәжірибелер мен инновациялар алмасу мәселелерін талқылауға қатысты.

Баку мен Шушедегі форум алаңында қатысушы елдер Денсаулық сақтау министрлерінің IV кездесуінің бірлескен декларациясына және ТМҰ елдерінде трансплантаттау тәжірибесін жетілдіру жөніндегі «Türktransplant» ниет хаттамасына қол қойды.

Сондай-ақ, Әзербайжан Республикасы, Қырғызстан Республикасы, Түркия Республикасы делегацияларының басшыларымен екіжақты кездесулер өткізілді, олардың барысында тараптар біздің елдеріміздің денсаулық сақтау жүйесін дамытудың өзекті мәселелерін талқылады.

Бұдан басқа, ТМҰ-ның кездесу алаңы балалар онкологиясы, кардиология, педиатрия, акушерлік және гинекология, пульмонология, сондай-ақ травматология және хирургия саласындағы Қазақстан мен Әзірбайжанның жетекші ұлттық денсаулық сақтау ғылыми орталықтарының арасында меморандумдар жасауға мүмкіндік берді. Әзірбайжан тарапы «Электрондық рецепт» (Е-рецепт) платформасының тұсаукесерін өткізді.

Кездесу соңында вице-министр Ербол Оспанов 2025 жылы Қазақстан Түркі мемлекеттері ұйымының денсаулық сақтау министрлерінің келесі V кездесуін өткізу бойынша эстафета қабылдайтынын хабарлады.

Ақпарат көзі: Министерство здравоохранения Республики Казахстан