Гонконгте IEO-2024 халықаралық экономика олимпиадасының жеңімпаздары мен жүлдегерлерін марапаттау рәсімі аяқталды. Оған әлемнің 53 елінен 250-ден астам оқушы қатысты. Еліміздің намысын қорғаған бес қатысушының барлығы жүлделі атанып, екі күміс және үш қола медаль жеңіп алды:

Күміс - Айдархан Жұбатқан, Ақтөбе қаласының ФМБ НЗМ 11-сынып оқушысы;Күміс - Жәңгір Ильжанов, Алматы облысы «Дана» мектебінің 10-сынып оқушысы;Қола - Әлия Мұсаева, Алматы қаласы №165 мамандандырылған лицейінің 11-сынып оқушысы;Қола - Томирис Ыдырысбаева, Астана қаласының НЗМ 12-сынып оқушысы;Қола - Батырхан Мұхтархан, Қарағанды қаласының ХМБ НЗМ 9-сынып оқушысы.

Команда жетекшілері:Нұрсұлтан Нұрмұханов - Назарбаев Университетінің магистрі; Медет Жамбаев – «Дарын» РҒПО-ның педагогикалық шеберлік және психологиялық қызмет бөлімінің әдіскері.

Жас экономистерімізді, олардың жетекшілерін, мектеп ұжымдары мен ата-аналарын осы керемет жетістікпен құттықтаймыз!

Қазақстан командасы өткен жылмен салыстырғанда жалпы командалық есепте 10-нан жоғары сатыға көтеріліп, ең жоғары нәтижелерді көрсетті. Осылайша, біздің оқушылар әлемдегі ең мықты 10 команда және бизнес-кейс бойынша 7 команда қатарына кірді. Бұл нәтижеге ҚР Оқу-ағарту министрлігінің қолдауымен экономика бойынша олимпиадалық резерв арасында алғаш рет өткізілген іріктеу мен оқу-жаттығу жиындарының арқасында қол жеткізілді.

Анықтама үшін: Салыстыру үшін, өткен жылы біздің құрамамыз жалпыкомандалық есепте 21-орында және бизнес-кейс бойынша 22-орында болған еді. Ол кезде ел құрамасы 1 күміс және 4 қола медаль жеңіп алды.

Ақпарат көзі: Министерство образования и науки Республики Казахстан