Ташкентте әскери қызметшілер арасында дзюдодан әлем чемпионаты басталды, оған 29 елден 200-ден астам спортшы қатысып жатыр. 

Қазақстан Қарулы Күштерінің намысын 13 дзюдошы – 7 ер адам және 4 әйел қорғау үстінде.

Турнир басталар алдында Қорғаныс министрлігі аппаратының басшысы полковник Ербол Құмарбекұлы спортшылар мен ерлер командасының жаттықтырушысы капитан Ғұмар Қырғызбаев және әйелдер құрамасының жаттықтырушысы лейтенант Асан Мәмбетқұловпен кездесті. Ол дзюдошыларға табандылық пен алдағы турнирде сәттілік тіледі. 

– Армия командасы чемпионатқа дайын. Кеше жеребе тасталды. Дзюдошылар тапсырманы жақсы орындап, финалға өтсін деймін. Спортшыларға сенеміз және жанкүйерлерін қуантады деп үміттенеміз, – деді ҚР Қорғаныс министрлігі Спорт комитетінің төрағасы – АОСК бастығы полковник Арман Әбеуов.

Спортшылардың өнер көрсетуі жеке және командалық құрамда бағаланады. Әскери қызметшілер арасында дзюдодан халықаралық жарыс 18 қазанға дейін жалғасатын болады.

Ақпарат көзі: Министерство обороны Республики Казахстан