Соңғы екі жыл ішінде ҚР АШМ Ресей Федерациясының ауыл шаруашылығы бақылау комитетімен (Россельхознадзор), ҚХР Бас кеден басқармасымен, Беларусь Республикасының ветеринариялық және азық-түлік қадағалау департаментімен және Түркияның ауыл және орман шаруашылығы министрлігімен белсенді жұмыс жүргізіп келеді.

Осы жұмыстың нәтижесінде ағымдағы жылы келесі нәтижелерге қол жеткізілді.

Қаңтар айында Ресей Қазақстанның оңтүстік-шығыс облыстарынан аусыл бойынша, ақпанда Қытай Оңтүстік-Шығыс облыстардан аусыл және ҚР барлық аумағынан құс тұмауы бойынша шектеулерді алып тастады. Ал маусымда Түркия Қазақстанның барлық аумағынан аусыл, құс тұмауы және нодулярлық дерматит бойынша, қыркүйекте Беларусь оңтүстік-шығыс облыстарынан аусыл және Қазақстан Республикасының барлық аумағынан құс тұмауы бойынша шектеулерді алып тастады.

Бұл қадам ет пен ет өнімдерін Қытай, Беларусь және Ресей нарықтарына экспорттауды ішінара қалпына келтіруге, сондай-ақ мал шаруашылығы өнімдерін Түркияға экспорттау үшін ветеринариялық талаптарды келісу процесін қайта бастауға мүмкіндік берді.

Халықаралық ынтымақтастықты кеңейту

Қазақстандағы ветеринариялық қауіпсіздіктің жоғары деңгейі ағымдағы жылы Әзірбайжан Республикасымен (тірі түйелер, сүт және сүт өнімдері, құс еті және оның қосалқы өнімдері), Марокко Корольдігімен (жануарларды азықтандыруға арналған өсімдік тектес өңделмеген тамақ өнімдері), Моңғолиямен (тірі ұсақ мал) экспортқа қойылатын ветеринариялық сертификаттардың талаптары мен нысандарын келісуге мүмкіндік берді.

Экспортталатын өнім ассортиментін кеңейту жұмыстары Жапония (тірі жылқылар, бие және құрғақ сүт), Малайзия (түйе сүті ұнтағы), Иран (термиялық өңдеуден өткен ет өнімдері), Ирак (ет және ет өнімдері), ЕО елдері (бал, аквакультура және жылқы еті), Грузия (тірі ірі қара және ұсақ мал), Әзірбайжан (балық), БАӘ (жылқы еті) және басқа да мемлекеттерде жүргізілді.

Экспорттық әлеуеттің өсуі

Жыл басынан бері үшінші елдердің тізілімдері 149 отандық экспорттаушылармен толықтырылды. Оның ішінде ЕАЭО – 103 кәсіпорын, Қытай – 11, ЕО – 9, Өзбекстан – 15, БАӘ - 3, Жапония, Түркия, КСА – 1, Әзірбайжан-5 бар.

Қытай нарығына ерекше назар аудару

Қытай Қазақстан үшін басым нарық болып табылады. Оңтүстік-Шығыс өңірлерден ет экспортына шектеулерді алып тастау отандық өнімді жеткізуді қайта бастауға мүмкіндік берді. Маусым айында екі жыл ішінде салмағы 20 тонна сиыр етінің алғашқы партиясы жөнелтілді. Қазіргі уақытта қазақстандық жеті кәсіпорын Қытайдың электрондық жүйесінде тіркелуде.

АШМ Қытайға экспортталатын өнім номенклатурасын ұлғайту бойынша жұмысты жалғастыруда, мал терісі, құс еті, құрғақ бие сүті, жылқы еті, жоғары термиялық өңдеуден өткен ет өнімдері, қосалқы өнімдер және басқа да түрлері бойынша ветеринариялық талаптар мен екіжақты хаттамалар әзірленуде.

Халықаралық шарттар мен келісімдер

Ынтымақтастықты нығайту үшін Министрлік ветеринария саласында халықаралық шарттар жасасу бойынша жұмыс жүргізуде. Биылғы жылы Royal GD (Нидерланды) компаниясымен және Тәжікстан Республикасы Үкіметінің жанындағы Азық-түлік қауіпсіздігі комитетімен келісімдерге қол жеткізілді.

Сербия Республикасының Ауыл шаруашылығы, орман және су шаруашылығы министрлігімен, Иордания Хашимит Корольдігінің АШМ, Моңғолияның ветеринариялық қызметтер басқармасымен және Вьетнам Социалистік Республикасының Ауыл шаруашылығы және ауылдық аймақтарды дамыту министрлігімен шарттар жасасу мәселесі қорытындылау кезеңінде тұр.

Оңтүстік-шығыс облыстарының аусыл ауруы бойынша әл-ауқат мәртебесін ресми қайта растау, шошқалардың классикалық обасы бойынша қолайлы мәртебені қалпына келтіру.

2024 жылы ДЖДҰ Қазақстанды африкалық шошқа обасынан және африкалық жылқы обасынан азат ел ретінде өздігінен декларациялауын да растады.

Сонымен қатар, Қазақстанның солтүстік-батыс облыстарының аусыл ауруынан азат ел ретінде ДЖДҰ-нан салауаттылық мәртебе алу және құстардың жоғары патогенді тұмауы бойынша азаттық туралы өзін-өзі декларациялау жұмыстар жүргізілуде.

Дүниежүзілік жануарлар денсаулығы ұйымы әл-ауқатының мәртебесі

ДЖДҰ азаттық мәртебесін қайта растау және қалпына келтіру бойынша айтарлықтай жұмыстар атқарылды.

Атап айтқанда, Дүниежүзілік жануарлар денсаулығы ұйымы Қазақстанның оңтүстік-шығыс өңірлері үшін вакцинациямен аусыл бойынша салауаттылық мәртебесін ресми қайта растады.

Қазақстанның классикалық шошқа обасынан азат ел ретіндегі мәртебесі қалпына келтірілді, ҚР-ның африкалық шошқа обасы мен африкалық жылқы обасынан азат ел ретіндегі өзіндік декларациясы бекітілді.

Елдің солтүстік-батыс облыстары үшін аусылдан азат мәртебесін алу, сондай-ақ құстардың жоғары патогенді тұмауынан салауатты ел екені туралы өзін-өзі декларациялау жұмыстары жалғасуда.

Ақпарат көзі: Министерство сельского хозяйства Республики Казахстан