2024 жылғы 2-5 мамырда Тбилисиде (Грузия) Азия Даму Банкінің (АДБ) Басқарушылар кеңесінің 57-ші Жыл сайынғы отырысы өтті.

АДБ Кеңесінің пленарлық отырыстарына Қаржы вице-министрі, Қазақстан Республикасынан Альтернативті Басқарушы Дәурен Кеңбеил қатысты. 

Осы шара аясында Қаржы вице-министрі бірқатар екіжақты кездесулер өткізді.

АДБ-ның Оңтүстік, Орталық және Батыс Азия бойынша вице-президенті Инмин Янгпен кездесу барысында бірқатар жобаларды жүзеге асыру және жеке сектордағы қаржыландыруды арттыру жөнінде пікір алмасылды. Тараптар АДБ-ның 2023-2027 жылдарға арналған Қазақстан бойынша қабылданған Ел стратегиясы алға қойылған міндеттерді және Қазақстанда жүргізіліп жатқан экономикалық реформаларды тиімді жүзеге асыруға ықпал ететінін атап өтті. 

АДБ-ның Орталық және Батыс Азия бойынша Өңірлік департаментінің Бас директоры Евгений Жуковпен және АДБ атқарушы директоры Джустин Сикатпен кездесулерінде Қазақстанда жобаларды іске асыру мәселелері талқыланды, соның ішінде инвестиция көлемін арттыру.

Соңында Д. Кеңбеил АДБ Қазақстан Республикасы үшін маңызды және стратегиялық серіктес екенін атап өтті, сондай-ақ АДБ көрсеткен қаржылық қолдауы үшін алғысын білдірді.

Биыл Қазақстан мен АДБ арасындағы ынтымақтастықтың орнағанына
30 жыл толғанын атап өтеміз. 

Ақпарат көзі: Министерство финансов Республики Казахстан