Бұқар Жырау ауданында Ботақара кентінен Белағаш ауылына жүретін автобус бағыты қайта іске қосылды. Тұрғындар бұл туралы көптен бері сұраған еді. Тасымалдаушы табылды, қызмет көрсету құқығына конкурсты жергілікті кәсіпкер жеңіп алды. Бағыт әлеуметтік маңызды деп танылып, субсидияланатын болады.

Коммуналдық шаруашылық, жолаушылар көлігі және автомобиль жолдары бөлімінде № 115 Ботақара – Шешенқара – Белағаш бағдар кестесі жарияланды. 13 орындық "Газель" сейсенбі мен бейсенбіден басқа аптасына 5 күн жүреді.

Қозғалыс кестесі: таңертең сағат 07.00-де – Ботақара кентінің автостанциясынан, 07.30 – Шешенқара ауылы, 08.00 – Белағаш ауылы және кері: 08.30 – Шешенқара ауылы, 09.00 – Ботақара ауылы.

Кешке: 17.00 – Ботақара кентінің автостанциясы, 17.30 – Шешенқара ауылы, 18.00 – Белағаш ауылы.

Белағашқа дейін жол жүру құны 600 теңге, Шешенқараға дейін – 500 теңге.

Ақпарат көзі: ГУ «Аппарат акима Карагандинской области»