Бұқар Жырау ауданында сапалы ауыз су мәселесі реттеліп келеді. Биыл Қушоқы кентіндегі су құбыры желілерін қайта жаңарту жұмыстары аяқталуы тиіс. Тұрғындар мұны тағатсыздана күткен болатын.

Жұмыс барысын Қарағанды облысының әкімі Ермағанбет Бөлекпаев Бұқар Жырау ауданына жұмыс сапары кезінде тексерді.

Желілердің ұзындығы 20 км-ден сәл асады. Олардың бір бөлігі ауыстырылды.

-  Бұған қоса, әрқайсысы 1300 текше метрден тұратын екі резервуар мен төрт жаңа ұңғыма салу жоспарланған. Осының бәрін биыл жасаймыз деп жоспарлап отырмыз. Келесі кезекте - орталық кәріз жүйесін салу жоспарланып отыр. Барлық желілерді ауыстырғаннан кейін ғана жолдарды жөндеуге кірісеміз, - деді Қушоқы кентінің әкімі Халел Рыспеков.

Өңір басшысы жаңа жылыту маусымына дайындықтыда сұрады. Қушоқыда орталық қазандықты жөндеу жұмыстары басталды. Төрт қазандықтың біреуі толығымен ауыстырылады. Қалғандары ағымдағы жөндеуден өтеді.

 Ауылда электр қуатымен жабдықтау жақсартылып келеді. Ол үшін электр тарату желілері ауыстырылады. 206 тірек орнатылады, мердігер анықталды. Биыл жұмыстар аяқталуы тиіс.

Ғабиден Мұстафин кентінде өңір басшысы Бұқар жырау агротехникалық колледжінде болды. Мұнда 100-ден астам студент оқиды. Олар бес бағыт бойынша жұмысшы мамандығын игеріп жатыр: аспаз, электр-газбен дәнекерлеуші, сатушы, автокөлікке техникалық қызмет көрсету және жөндеу, ауыл шаруашылығы өндірісінің тракторшы-машинисі. Оқу орнының әлеуметтік серіктестері - шаруа қожалықтары, ТҚКО.

Ермағанбет Бөлекпаев дала жұмыстарының барысымен де танысты, Қызылжар ауылында бірқатар шаруашылықтарды аралады. Бұқар Жырау ауданында биыл 160 мың га дәнді дақылдар, 10 мың га майлы дақылдар, 400 га көкөніс және 2 200 га картоп егу жоспарлануда. Жұмыс қарқынды жүріп жатыр және белгіленген уақытта аяқталуы керек. Егістіктерде 1500-ге жуық трактор, 900 сепкіш және 35 егіс кешені жұмыс істейді. Аграршылар арзандатылған дизель отынымен қамтамасыз етілген. Агротехнологияға баса назар аударылады. Ауданда суармалы жерлердің ауданы жоспарлы түрде ұлғайтылуда.

Ермағанбет Бөлекпаев аудандағы түйе өсіретін жалғыз шаруа қожалығына да барды. Бір жыл бұрын "Абат" ш/қ "Агробизнес" кредиттеу бағдарламасын пайдалана отырып, 57 бас сатып алған. Нарыққа шаруа қожалығы шұбат пен ет жеткізіледі. Негізгі тұтынушылар - Қарағанды және Теміртау тұрғындары, тапсырыстар Астанадан да келіп түседі. Шаруа қожалығының басшысы облыс әкімімен мемлекеттік қолдау мүмкіндіктерін талқылады.

Ақпарат көзі: ГУ «Аппарат акима Карагандинской области»