Өңір тұрғындары жер беру, жайылымдарды шалғындандыру, қоғамдық бастамаларды іске асыру мәселелері бойынша жүгінді.

Шарбақты ауданының тұрғыны Жылыбұлақ, Сосновка және Александровка округтеріндегі жайылымдардың жағдайы туралы айтты. Ақсу қаласының тұрғынын «Жасыбай» демалыс аймағында киіз үй орнату үшін учаске алу мәселесі көтерді.

«Ұмытылмаған қаһармандар. Незабытые герои» жобасының үйлестірушісі Сапаргелді Әбдірашев облыс әкімімен «Кеңес Одағының батыры» атағына ұсынылып, бірақ, оны алмаған ҰОС ардагерлерінің есімдерін дәріптеуді талқылады.

Өңір басшысымен кездесуде «Невада-Семей» ҚБ Павлодар филиалының басшысы Зинаида Багненко бірлестіктің қызметі туралы баяндады. Тамыз айында Баянауылда республикалық жастар іс-шарасын өткізу жоспарлануда.

Барлық өтініштер бойынша облыс әкімі түсіндірмелер мен тапсырмалар берді, олардың орындалу барысы мемлекеттік органдардың бақылауында болады.Естеріңізге саламыз, аймақ тұрғындары қабылдауға е-gov, E-otinish.kz, WhatsApp: +77021661661 арқылы жазыла алады.

Ақпарат көзі: ГУ «Аппарат акима Павлодарской области»