Бүгін Батыс Қазақстан облысының әкімі Нариман Төреғалиев жұмыс сапарымен Бөрлі ауданының Ақсай қаласына барып, «Жайлы мектеп» ұлттық жобасы аясында салынып жатқан білім ордаларының құрылысымен танысты.   Сапар барысында аймақ басшысы құрылыс жұмыстары жүріп жатқан нысандарды қарап шықты: •Ақсай қаласындағы 300 орындық №1 мектеп; •Ақсай қаласының 13-ықшамауданында 900 орындық мектеп; •Бөрлі ауданының Пугачёв ауылындағы 300 орындық мектеп.   Облыс әкімі мердігер ұйымдардың басшыларына, «Samruk-Kazyna Construction» компаниясының өңірлік өкіліне және Бөрлі ауданының әкіміне құрылыс қарқынын жеделдетуді тапсырды, сондай-ақ орындалатын жұмыстардың сапасына ерекше назар аудару қажеттігін ескертті. Аймақ басшысы бұл жобаның Мемлекет басшысының тікелей бақылауында екенін атап өтті.   Заманауи және қолайлы білім беру мекемелерін құру – өңірлік дамудың басым бағыттарының бірі. Бұл білім сапасын арттыруға және өскелең ұрпаққа қолайлы оқу жағдайларын жасауға бағытталған.   Айта кетейік, 2025 жылы «Жайлы мектеп» бағдарламасы аясында Батыс Қазақстан облысында алты мектептің құрылысы аяқталады.     Батыс Қазақстан облысы әкімдігінің баспасөз қызметі

Ақпарат көзі: ГУ «Аппарат акима Западно-Казахстанской области»