Елорданың Байқоңыр ауданында 3500 шаршы метр аумақта тағы бір автотұрақ жайластырылды, деп хабарлайды елорда әкімдігінің ресми сайты.

Аталған автотұрақ А.Иманов көшесі 18/1, 18/2, Ш. Иманбаева көшесі 8/1, 8/3 үйлерінің аумағын қамтиды.

Бұл тұрғын үй тұрғындары үшін автотұрақ көп жылдан бері түйткілді проблемалардың бірі болып келді. Жыл басынан бері осы мәселе бойынша тұрғындармен бірнеше мәрте жеке қабылдаулар, көшпелі кездесулер өткізілген.

Нәтижесінде, биыл аула кеңістігі кешенді абаттандырылып, бүгінгі күні осы учаскеде аумағы 3500 шаршы метрді құрайтын үлкен тұрақ жайластырылды.

Сонымен қатар, тұрғындардың өтінішіне байланысты аталған аумақта тротуар да төселіп, жөндеу-қалпына келтіру жүргізілді.

Сондай-ақ, бұл учаскеде осыған дейін жаңбыр суы мен еріген қар суы да жиі жиналатын.

Бүгінде автотұрақ жайластыра отырып, бұл мәселе де шешімін тапты.

Биыл Астанада барлығы 170 аула мен қоғамдық кеңістік абаттандырылады. Жұмыстар қаланың барлық аудандарында жүргізілуде, соның ішінде тұрғын алаптары қамтылған. Жұмыстың көп бөлігі аяқталды.

Ақпарат көзі: ГУ «Аппарат акима города Астана»