Балқашта "Металлург" стадионы қайта жаңғыртылуда. Мұнда футбол алаңын жаңартып, трибуналар ауыстырады және ойын залындағы еден ретке келтіріледі.

Футбол алаңының көгалы 2007 жылы төселген. Содан бері оның әбден тозығы жеткен. Қазақстан футбол федерациясы жаңа жабын төсеп беруге уәде берді. Осы күзде стадионда итальяндық көгал төселеді. Мердігер алаңды бөлшектеу, қайта жобалау және жаңа жабын төсеуге дайындық жұмыстарын жүргізді. Стадионның оңтүстік жағындағы трибуналар да жөнделуде.

Стадионның оңтүстік жағындағы трибуналар да жөнделуде.

– Трибуналар жарамсыз болып қалды. Орындықтар күн сәулесінен тез күйіп кетеді, суықта жарылып кетеді. Оның орнына палуба тақталарын жасау туралы шешім қабылданды. Трибуналарды қайта құру жұмыстары қазан айында аяқталуы тиіс, – деді Балқаш қаласының мәдениет, тілдерді дамыту, дене шынықтыру және спорт бөлімінің сектор меңгерушісі Дәлелбек Нұрбек.

Ойын залындағы еденнің зақымдалған жерлерін де ауыстыру жұмыстары жүріп жатыр.

Бүгінгі таңда "Металлург" стадионында спорттың 11 түрі бойынша секцияларда 900-ден астам бала айналысады.

Ақпарат көзі: ГУ «Аппарат акима Карагандинской области»