Машина жасау бойынша алғашқы республикалық олимпиада кәсіби мерекеге арналды. Ол Қарағандыда, Maker компаниясының базасында өтті. Шараға Қазақстан мен таяу шетелден 200 оқушы мен колледждер мен жоғары оқу орындарының студенттері қатысты. Финалға 12 адам шықты. "Қазақмыс" Корпорациясы политехникалық колледжінің төртінші курс студенті - Балқаш қаласының тұрғыны Аспандияр Самратұлы жеңімпаз атанды.

Негізгі турда қатысушылар химия, физика, өнеркәсіптік қауіпсіздік, сызу, материалтану, металлургия және жалпы машина жасау бойынша зияткерлік сұрақтарға жауап берді. Бөлшектердің түйіндерін құрастыру, схемаларды сызу және сандық бағдарламалық басқаруда тәжірибелік дағдыларын көрсетті.

Ұйымдастырушылардың айтуынша, олимпиаданың мақсаты - машина жасаушы мамандығын дәріптеу.

-  Жасыратыны жоқ, қазір жастар жұмысшы мамандықтарын таңдауға дайын емес, кадрлар тапшылығы бар. Бүгінгі таңда ең көп сұранысқа ие мамандар - токарьлар, фрезерлеушілер, электр-газбен дәнекерлеушілер және металл конструкцияларын құрастыру бойынша слесарлар. Тек біздің кәсіпорында осындай 30 бос орын бар, - дейді Қарағанды құю-машина жасау зауытының өндіріс жөніндегі директоры Андрей Сафонов.

Олимпиада жеңімпазы Аспандияр Самратұлы техник-механик мамандығында оқиды, ал болашақта инженер болғысы келеді. Ол Ә. Сағынов атындағы Қарағанды техникалық университетінде "Машина жасау" мамандығы бойынша оқу грантын жеңіп алды.

Екінші орынды ҚарТУ Инновациялық технологиялар колледжінің студенті Даниял Оспанов иеленді. Ол университетте бір жылдық стипендия мөлшерінде ақшалай сыйлықпен марапатталды.

Үшінші орын Орал қаласындағы NIS оқушысы Дана Тәжмұқанға бұйырды, оған Apple MacBook табысталды. 16 жастағы мектеп оқушысы аэроғарыш инженері болуды армандайды.

Ақпарат көзі: ГУ «Аппарат акима Карагандинской области»