Қарағанды мен Абай ауданының командалары Балқаштағы "Жаны нәзік, рухы биік арулар" атты XII облыстық әйелдер спартакиадасының көшбасшылары атанды. Дәстүрлі жарысқа 200-ден астам әуесқой спортшы қатысты.

Олар спорттың жеті түрінен жарысты: волейбол, стритбол, тоғызқұмалақ, жазғы президенттік көпсайыс, дойбы, асық ату және үстел теннисіне сайысты.

– Спартакиаданың басты мақсаты – салауатты өмір салтын насихаттау, – дейді Бас төреші Сағдат Әбдікәрімов. – Жоғары нәтиже көрсеткен командалар республикалық жарыстарға қатысу үшін іріктеліп алынады, онда олар өздерінің барлық мүмкіндіктерін көрсете алады.

Қалалар арасында бірінші орынды Қарағанды командасы, екінші орынды Теміртау, үшінші орынды Шахтинск спортшылары иеленді.

Аудандар арасында алтынды Абай, Шет ауданы командасы күміс, Бұқар Жырау ауданы қола жүлдеге ие болды.

Қарағанды облысының дене шынықтыру және спорт басқармасының ақпараты бойынша

Ақпарат көзі: ГУ «Аппарат акима Карагандинской области»