Банк омбудсманын сайлау, оның қызметін мерзімінен бұрын тоқтату және жүзеге асыру қағидаларын бекіту туралы
Банк омбудсманын сайлау, оның қызметін мерзімінен бұрын тоқтату және жүзеге асыру қағидаларын бекіту туралы
Қазақстан Республикасының Қаржы нарығын реттеу және дамыту агенттігі (бұдан әрі – Агенттік) Басқарманың «Микроқаржы омбудсманын сайлау, оның қызметін мерзімінен бұрын тоқтату және жүзеге асыру қағидаларын бекіту туралы» 2024 жылғы №53 қаулысын қабылдады.
Құжат Мемлекет басшысы ағымдағы жылғы 19 маусымда қол қойған «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Заңды (бұдан әрі – Заң) іске асыру үшін қабылданды.
Қағидаларда банк омбудсманын сайлау тәртібі, оның қызметін мерзімінен бұрын тоқтату негіздері, сондай-ақ банк омбудсманының қызметін жүзеге асыру тәртібі айқындалған.
Заң Банк омбудсманының өкілеттіктерін кеңейтті – енді ол азаматтардың барлық кредиттері, оның ішінде тұтынушылық кредиттері бойынша дауларды қарайтын болады. Оның шешімдері халықтың банктік кредиттері бойынша талап ету құқықтары коллекторларға өтіп кеткен міндеттемелерді қоса алғанда банктер мен коллекторлық агенттіктер үшін міндетті болып табылады.
Бұл шұғыл қажеттіліктерге арналған кредиттері бар қарыз алушылардың құқықтарын қорғауға, мемлекеттік органдарға жолданымдар санын төмендетуге және жалпы алғанда азаматтардың мерзімі өткен берешегін реттеу жүйесінің тиімділігін арттыруға мүмкіндік береді.
Банк омбудсманын Өкілдер кеңесі Агенттік келіскен кандидаттар тізімінен құпия дауыс беруді өткізу арқылы 3 жыл мерзімге сайлайды.
Банк омбудсманы Өкілдер кеңесінің құрамына Агенттіктің, Ұлттық Банктің, екінші деңгейдегі банктердің, ипотекалық ұйымдардың, қаржылық қызметтерді тұтынушылардың құқықтарын қорғауды жүзеге асыратын қоғамдық бірлестіктің, Қазақстан қаржыгерлері қауымдастығының, Коллекторлар қауымдастығының бір өкілі кіреді.
Түзетулер 2024 жылғы 21 желтоқсаннан бастап күшіне енеді.
Сыртқы коммуникациялар басқармасы
+7 (727) 237 1089
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
