Конституциялық Соттың Төрағасы Эльвира Азимова «Алқабилердің қатысуымен сотта мемлекеттік айыптауды қолдаудың өзекті мәселелері» тақырыбындағы Мемлекеттік айыптаушылардың II республикалық форумының ашылуында сөз сөйледі.

Шараға Президент Әкімшілігінің, Жоғарғы және Конституциялық соттардың, Республикалық адвокаттар алқасының өкілдері, ғалым-заңгерлер мен өңірлік прокуратуралардың қызметкерлері қатысты.

Азимова өз сөзінде мемлекеттік айыптау институтын нығайту және алқабилер соты институтын дамытудың бұрын конституциялық бақылау органы көрсеткендей әлеуметтік-құқықтық маңызы зор екенін атап өтті.

Ақпарат үшін:

Конституциялық Кеңес 2007 жылғы 18 сәуірдегі №4 қаулысында айыпталушының (сотталушының) өз ісін соттың алқабилерді қатыстыра отырып қарауына құқығы адамның және азаматтың құқықтары мен бостандықтарын қылмыстық сот ісін жүргізуде қорғау аясына жатады, сондықтан ол алдын ала тергеу кезеңінде ғана емес, басты сот талқылауы тағайындалғанға дейін де сотта берілуі мүмкін.

Ол қылмыстық істер бойынша алқабилердің сот төрелігін жүзеге асыруы Конституцияда бекітілгенін атап өтті. Алқабилер қатысатын сот азаматтарға сот билігін жүргізуге тікелей қатысу мүмкіндігін беру арқылы сот төрелігін демократияландыруға ықпал етеді. Қазақстандық модель бәсекелестік, адамгершілік, жариялылық, азаматтардың құқықтары мен бостандықтарын неғұрлым тиімді қорғау қағидаттарына сәйкес одан әрі дамуға құқығын дәлелдеді.

«Ағымдағы жылдың қыркүйегінде Конституциялық Сот алқабиді ауыстыруға қатысты Қылмыстық-процестік кодекстің 645-бабының 4 және 6-бөліктерінің Конституцияға сәйкестігін тексеру туралы азаматтың өтініші бойынша конституциялық іс жүргізуді бастады», – деді Азимова.

Телеграмм КС -

Ақпарат көзі: Қазақстан Республикасының Конституциялық Соты