Бүгін 9 қазанда Қазақстан Республикасы Төтенше жағдайлар вице-министрі генерал-майор Ерлан Нұрпейісов пен Қарағанды облысы ТЖД басшылығы Қарқаралы ауданындағы табиғи өртті сөндіру кезінде өзінің қызметтік міндетін орындай отырып қаза тапқан № 24 өрт сөндіру бөлімінің аға өрт сөндіруші-құтқарушысы Хали Хайраттың отбасында болды.

Хали Хайрат өз өмірін халыққа қызмет етуге және туған жерін оттан қорғауға арнаған нағыз батыр болды. Ведомство басшысының атынан вице-министр отбасына көңіл айтып, еліміздің қайғыға ортақ екенін атап өтті.

Сонымен қатар ТЖМ басшылығы өрт сөндіру кезінде зардап шеккен қызметкерлер жатқан Қарағанды қаласының ауруханасында да барды.

Вице-министр олардың тезірек сауығып кетуіне тілектестік білдіріп, ерлігі мен кәсібилігі үшін зор алғысын білдірді.

Қайғы мен қасірет қатар келген күні адам өмірінің құндылығы мен күн сайын өз өмірін басқалардың қауіпсіздігі үшін тәуекелге салып отырғандарды ұмытпау аса маңызды.

Қарағанды облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан