Батыс Қазақстан облысында егін жинау науқаны белсенді жүргізілуде.

Ағымдағы жылы облыс бойынша барлық ауыл шаруашылығы дақылдарының егістік ауданы 615,5 мың гектарды құрады. Оның ішінде дәнді дақылдар – 312,8 мың гектар, майлы дақылдар – 102 мың гектар, жемшөп дақылдары – 196,7 мың гектар және картоп, көкөністер мен бақша дақылдары – 4,0 мың гектар.

Бүгінгі күні 136,5 мың гектар дәнді дақылдар жиналды, 132,9 мың тонна дән бастырылды.

Жалпы алғанда, егін жинауға 20 мыңнан астам арнайы техника, оның ішінде 886 дәнді дақылдарды жинау комбайндары, 12 010 трактор, 3666 шашыратқыш және т.б. қатысуда.

Облыста дән қабылдау, сақтау және өңдеу қызметтерін көрсететін 8 элеватор бар. Олардың сыйымдылығы 634,8 мың тоннаны құрайды, бұл аймақта өндірілген дәнді толықтай сақтауды қамтамасыз етеді.

Ақпарат көзі: Министерство сельского хозяйства Республики Казахстан