Бұл туралы Орталық коммуникациялар қызметінде өткен баспасөз конференцияға АШМ Балық шаруашылығы комитеті төрағасының міндетін атқарушы Аян Бахиянов мәлімдеді.

Спикер акцияны Жайық-Каспий бассейнінің су айдындарында Жайық-Каспий облысаралық бассейндік балық шаруашылығы инспекциясының инспекторлары құқық қорғау, табиғат қорғау органдары және ҚР ҰҚК Шекара қызметінің қызметкерлерімен бірлесіп өткізгенін атап өтті.

Оның қорытындысы бойынша 694 адам әкімшілік жауапкершілікке тартылды. Браконьерлік және сирек кездесетін және құрып кету қаупі төнген балық түрлерімен заңсыз қарым-қатынас жасау фактілері бойынша 71 қылмыстық іс қозғалды. Бұзушыларға 19 млн. теңге айыппұл салынды.

«Заңсыз айналымнан 11 тонна 308 кг балық алынды, оның ішінде 2 тонна 229,5 кг бекіре, 8 кг бекіре балықтарының уылдырығы, 162 бірлік балық аулау құралдары және 44 бірлік су көлігі. Өзен арнасы мен теңіз акваториясын күн сайын траулау нәтижесінде су айдындарынан жалпы ұзындығы 300 км - ден асатын 1416 бірлік заңсыз балық аулау құралдары алынды», - деді Аян Бахиянов.

Барлық өңірлерде балық шаруашылығы комитетінің бұйрығымен бекітілген шектеулер мен тыйымдардың белгіленген орындары мен мерзімдеріне байланысты облысаралық бассейндік балық шаруашылығы инспекциялары құқық қорғау және табиғат қорғау органдарымен бірлесіп «Уылдырық шашу» балық қорғау акциясын өткізді.

2024 жылғы уылдырық шашу кезеңі басталғаннан бері бақылаудағы су айдындарында әкімшілік құқық бұзушылық туралы 848 хаттама жасалып, 134 материал сот органдарына жіберілді.

Балық аулау ережелерін өрескел бұзуға жол бергені үшін 5 жеке тұлғаға қатысты 4 материал қылмыстық істер қозғау үшін құқық қорғау органдарына жіберілді.

Мемлекет кірісіне 2 784 тонна заңсыз ауланған балық, 286 аулау құралы, сондай-ақ 16 жүзу құралы тәркіленді.

14 млн. теңгеден астам сомаға айыппұл салынды. 8,2 млн. теңге сомасына балық ресурстарына келтірілген залал үшін талап қойылды.

Ақпарат көзі: Министерство сельского хозяйства Республики Казахстан