Ақмола облысы, Степногорск қаласына қарасты Бестөбе кентінде жедел медициналық жәрдем пункті өз жұмысын бастады.

Әлеуметтік нысан облыс әкімі Марат Ахметжановтың бастамасымен және Мемлекет басшысының тапсырмасы аясында ашылды. Басты мақсат – жергілікті тұрғындар үшін шұғыл медициналық көмектің қолжетімділігін арттыру.

Алыс аймақ тұрғындары үшін мұның маңызы зор. Енді жедел жәрдем бригадасы шақыртуларға жылдам жетіп, науқастардың өмірін аман алып қалу мүмкіндігі артады.

Айта кетейік, Ақмола облысында бүгінде 69 жедел жәрдем бригадасы жұмыс істейтін 20-ға жуық станция бар.

Ақпарат көзі: ГУ «Аппарат акима Акмолинской области»