Жыл сайын қыркүйек айында шаhарымызда «Қала күні» мерекесі дәстүрлі түрде аталып өтеді. Биыл қала күнін тойлау Талдықорған қала мәртебесін алғанына 80 жыл толуымен тұспа-тұс келіп отыр. Мерейлі мерекені тойлауға дайындық қызу. Бұл туралы бүгін Өңірлік коммуникациялар қызметінде өткен брифингте Талдықорған қаласының әкімінің орынбасары Жеңіс Саятбекұлы және «Advertising media» ЖШС компаниясының директоры Наталья Расторопнова мәлімдеді.«Талдықорған қаласы бүгінде бірлік пен әдеміліктің ордасына айналды. Биылғы жылғы қала күні Талдықорған қала мәртебесін алғанына 80 жыл толу құрметіне арналып, мереке аясында қалыптасқан дәстүр бойынша қала қонақтары мен тұрғындарының құрметіне сән-салтанатына сай мәдени-көпшілік іс-шаралар ұйымдастырылатын болады. «Мен Талдықорғандықпын» ұранымен өткізілетін шара қала тұрғындарының есінде қалатындай өтетініне сенімдіміз. Қала күнін тойлау бір айға жалғасып, қыркүйектің 28-не дейін аталып өтілмек», - деді Талдықорған қаласының әкімінің орынбасары Жеңіс Андабеков.Қала тұрғындары мен қала меймандары үшін түрлі концерттік бағдарламалар, спорттық шаралар және көрмелер және бірқатар нысандардың ашылуы ұйымдастырылады. Сондай жаңа нысанның бірі білім күні қарсаңында заманауи үлгідегі 200 орынды «Умные детки» жекеменшік мектеп қолданысқа берілсе, күні кеше ғана жас кәсіпкер Нұрдаулет Ақкөз қаламызда пластикалық құбыр шығаратын цехті іске қоып өз жұмысын бастады. Аталмыш цех су, газ, электр желілеріне арналған пластикалық құбырларды өндіреді.Сонымен қатар, «Miss Taldyqorgan 2024» байқауының ақтық кезеңі, «Taldyqorgan cup» футболан қала әкімінің кубогі, волейболға арналған оқу-жаттығу кешені мен «Bala park» балалар ойын- сауық орталығының ашылуы, сондай-ақ, Қазқ КСР халық суретшісі, қазақ бейнелеу өнерінің негізін қалаушысы Әбілхан Қастеевтің еңселі ескерткішінің ашылу салтанаты өтпек.Айта кетейік, «Жастар» саябағының бас сахнасында «Қалаға сыйлық» атты 80 жұптың вальсі, қазақ эстрада жұлдыздары Kalifarniya, Say Mo, Umberto келіп өнер көрсетіп, шара соңы мерекелік от шашумен аяқталмақ.

Ақпарат көзі: ГУ «Аппарат Акима города Талдыкоргана»