Қазақстанда Мемлекет басшысының тапсырмасы бойынша "блоктық бюджет" енгізілуде. Бұл тәжірибе Сингапурда қолданылады. Пилоттық жобаға Қарағанды облысы да кірді. Қаржы тәуелсіздігін екі басқарма алады: Ол Құрылыс басқармасы мен Ауыл шаруашылығы басқармасы.

Бұл не үшін қажет екенін облыс әкімінің орынбасары Ермек Алпысов "Әкімдік қайда қарап жүр" YouTube арнасында айтып берді.

– Пилоттық жоба аясында біз екі басқарманы таңдадық. "Блоктық бюджет" кейбір процедураларды едәуір жеңілдетеді және шешім қабылдаудың жеделдігін арттырады.Мұнда бірінші кезекте шығыстар лимиті шегінде қаражатты не үшін жұмсау керектігін өз бетінше шеше алады, – деп түсіндірді Ермек Алпысов. – Неліктен таңдау ауыл шаруашылығына түсті? Бұл салада тауар өндірушілерді қолдау бойынша көптеген бағдарламалар бар. Басқарма басшылығы өз бетінше белгілі бір салаға басымдық бере алады. Бағдарламалар ішінде қолма-қол ақшаны қайта бөлу мүмкіндігі болады.

Бұл құрылыс саласына да қатысты. Өңірге бірінші кезекте қандай жобалар қажет екенін жедел шешуге болады.

Қазір бюджетке кез келген түзетулер ұзақ келісуден өтуде. Оның ішінде жергілікті мәслихаттың бекітуі талап етіледі. Бұл сессияны күту керек дегенді білдіреді. Өзгерістер шешім қабылдау жылдамдығын бірнеше есе тежейді.

Қаржылық тәуелсіздікпен қатар жауапкершілік те артып келеді, деп атап өтті облыс әкімінің орынбасары. Ақшаны пайдалану жіті бақылауда болады.

Ақпарат көзі: ГУ «Аппарат акима Карагандинской области»