13 мамыр күні Әбу-Дабиде «Abu-Dhabi Healthcare Global Week» ауқымды халықаралық көрмесі ресми түрде ашылды. Іс-шара алаңында Қазақстанның жетекші клиникалары Астананың медициналық әлеуетін таныстырды, деп хабарлайды қалалық әкімдіктің ресми сайты.

«Abu-Dhabi Healthcare Global Week» – Әбу-Даби Денсаулық сақтау департаменті Әбу-Даби тақ мұрагері шейх Халед бен Мохамед бен Заид Әл Нахаянның жоғары қамқорлығымен ұйымдастырған ең ірі үкіметтік көрме.

Іс-шарада Денсаулық сақтау жүйесін жақсартуға бағытталған инновациялар мен ынтымақтастықты талқылау үшін саланың жетекші өкілдері жиналды.
Көрмеге Астанадан барған делегация да қатысады.

Қаланың жетекші клиникалары елорданың медициналық әлеуетін көрсетті. Бұл Астананың медициналық туризмін дамытуға ықпал етеді.

Әбу-Дабидегі көрме 15 мамырға дейін жалғасады.

Ақпарат көзі: ГУ «Аппарат акима города Астана»