2023-2024 жылдары елді мекенде ауыл инфрақұрылымын дамыту бойынша 10 жоба іске асырылды.

Бүгінгі күні Қатаркөл ауылында көпфункционалды алаң құрылысы мен «Бурабай-Қатаркөл» автомобиль жолының күрделі жөндеу жұмыстары аяқталды. Ақмола облысының әкімі Марат Ахметжанов Қатаркөл ауылында болып, жобалардың жүзеге асырылу барысымен танысты.

Бурабай ауданының әкімі Арай Садықовтың айтуынша, кентішілік жолдар мен тротуарларға жөндеу жұмыстары жүргізіліп, 200-ге жуық көше жарықтандыру бағаналары мен жол белгілері орнатылды. Кіреберістегі металл аркасын орнату жұмыстары жалғасуда. Биыл ауылда су құбыры желілері мен су бұру арнасын салу жұмыстары қайта жанданды.

Бұдан әрі өңір басшысы бөтелкедегі ауыз су өндіруге маманданған Ключевое ауылындағы «AQUA Innovation Company» ЖШС-де болды.

Сондай-ақ, Марат Ахметжанов Соколовтар отбасының қызметімен танысты.  Отбасылық шағын кәсіпорын 2016 жылдан бастап жұмыс істейді. Ірімшік цехі ірімшіктің 40-қа жуық түрін шығарады, кәсіпорынның өндірістік қуаты тәулігіне 100 кг құрайды.

Ақпарат көзі: ГУ «Аппарат акима Акмолинской области»