Қызылорда облысы әкімдігі жанындағы терроризмге қарсы комиссия аппаратының үйлестіруімен облыс аумағында профилактикалық іс-шаралар кеңінен ұйымдастырылуда.

Осы ретте, діни сауаттылықты арттыру мақсатында Қызылорда қаласының автобекетінде діни экстремизім және терроризмнің алдын-алуға бағытталған Қызылорда облысының дін мәселелерін зерттеу орталығының мамандарының қатысуымен профилактикалық акция өткізілді.

Іс-шара барысында қала тұрғындары мен қонақтарына жат ағымдардан сақтану жолдары, діни әдебиеттерді сатып алу барысында ескеру қажет ережелер мен әлеуметтік желілерден діни білім алудың қауіптілігі түсіндірілді және ақпараттық парақшалар таратылды.

Аталған іс-шара жергілікті халық тарапынан оң қабылданып,  қатысушылардың діни сауаттылығын арттыруға өз ықпалын тигізді.

Материал Қызылорда облысы Терроризмге қарсы

комиссия аппаратының ақпараты негізінде дайындалды

_____________________________________________________

Ақпарат көзі: Қазақстан Республикасының Терроризмге қарсы орталығы